30/06/2025
Շաբաթվա ընթացքում շարունակվել է մշակաբույսերի աճն ու զարգացումը։
Հովտային շրջաններում կատարվել է կորիզավորների մասսայական և աշնանացան ցորենի բերքահավաք։
Բանջարանոցային մշակաբույսերի մոտ սկսվել է կանաչ հասունացումը, խոտաբույսերը ծաղկել են, դիտվել է ծխախոտի տերևների տեխնիկական հասունացում։
Դաշտերում և այգիներում կատարվել է հերթական վեգետացիոն ոռոգում։
Նախալեռնային շրջաններում աշնանացան ցորենը գտնվել է մոմային հասունացման փուլում, եգիպտացորենը հուրանակալել է, պտղատուների մոտ տեղի է ունեցել շաքարանյութի կուտակում, կաղամբի մոտ՝ տեխնիկական հասունացում։ Դիտվել է կարտոֆիլի վերգետնյա մասի թառամում։
Լեռնային շրջաններում հացահատիկային մշակաբույսերը գտնվել են կաթնային հասունացման փուլում։ Շարունակվել է կաղամբի միջահաս տեսակի գլխի ձևավորումը, կարտոֆիլի ծաղկումն ավարտվել է։
