23/06/2025
Շաբաթվա ընթացքում շարունակվել է գյուղատնտեսական մշակաբույսերի աճն ու զարգացումը, իրականացվել են դաշտային աշխատանքներ։
Լեռնային շրջաններում հացահատիկային մշակաբույսերը գտնվել են հասկակալման և ծեղացողունի ներքին հանգույցների առաջացման, նախալեռներում՝ ծաղկման, հովտային շրջաններում՝ մոմային հասունացման, տեղ-տեղ լրիվ հասունացման փուլերում։
Հովտային շրջաններում շարունակվել է կորիզավորների մասսայական բերքահավաքը, դաշտերում և այգիներում կատարվել է հերթական վեգետացիոն ոռոգում, նախալեռներում սկսվել է պտղատուների հասունացումը, ձևավորվել են խաղողի ողկույզները։
Արարատյան դաշտում բանջարանոցային մշակաբույսերը շարունակել են գտնվել ծաղկաբույլերի և ծաղիկների թառամման, նախալեռնային շրջաններում՝ կողային ընձյուղների, իսկ լեռնային շրջաններում՝ առաջին և երրորդ տերևները։
Դիտված տեղումները բարձրացրել են հողի արդյունավետ խոնավության պաշարները։
