29/04/2024
Շաբաթվա ընթացքում դիտված եղանակային պայմանները նպաստավոր են եղել գյուղատնտեսական մշակաբույսերի աճի և զարգացման համար։
Հովտային շրջաններում շարունակվել է աշնանացան ցորենի ծեղացողունի ներքին հանգույցների առաջացումը, որոշ շրջաններում սկսվել է հասկակալումը։
Նախալեռնային շրջաններում շարունակվել է աշնանացան ցորենի ծեղացողունի ներքին հանգույցների առաջացումը, լեռնային շրջաններում սկսվել է ցողունակալումը։
Արարատյան դաշտում սկսվել է ծիրանենու պտուղների ձևավորումը։ Դիտվել է դեղձենու ծաղկման ավարտ։
Հովտային շրջաններում դիտվել է խաղողի առաջին, տեղ-տեղ՝ երրորդ տերևների առաջացումը, նախալեռնային շրջաններում խաղողի բողբոջներն ուռչել են։
Նախալեռնային շրջաններում շարունակվել, իսկ լեռնային շրջաններում սկսվել է կարտոֆիլի ցանքը։
