15/10/2024
Հոկտեմբերի 15-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի կենտրոնական լաբորատորիա էր այցելել Ատոմային էներգիայի միջազգային գործակալության տեխնիկական համագործակցության դեպարտամենտի Եվրոպայի բաժնի Հայաստանի Հանրապետության տեխնիկական համագործակցության ծրագրերի համակարգող Կարմինա Խիմենեսը և ՄԱԿ-ի «Սնդիկի մասին» կոնվենցիայի ազգային համակարգող, Շրջակա միջավայրի նախարարության իրավախորհրդատու Անահիտ Ալեքսանդրյանը։
Այցի նպատակն էր ծանոթանալու «Սնդիկի մոնիթորինգի կարողությունների ուժեղացումը Մինամատայի կոնվենցիայի պահանջներին համապատասխանեցնելու համար» ծրագրի շրջանակներում լաբորատորիային տրամադրված սնդիկի և մեթիլսնդիկի անալիզատոր և նմուշառման սարքերին:
«Հայհիդրոմետ» ՊՈԱԿ-ի տնօրենի տեղակալ Գայանե Շահնազարյանը ողջունելով հյուրերին՝ շնորհակալություն հայտնեց ծրագրի շրջանակում տրամադրած սարքավորումների, ինչպես նաև իրականացված դասընթացների համար։
Քննարկվեց սարքավորումների շահագործման հանձման և համապատասխան ուսուցման, ջրային ռեսուրսներում, հողում և այլ բաղադրիչներում սնդիկի մոնիթորինգի ծրագրերի ներդրման հարցերը։
