08/06/2023
Մայիսի 22-ից հունիսի 2-ը Ժնևում կայացած Համաշխարհային օդերևութաբանական 19-րդ կոնգրեսի շրջանակներում հունիսի 1-2-ը տեղի են ունեցել Համաշխարհային օդերևութաբանական կազմակերպության (ՀՕԿ) առանցքային պաշտոնների ընտրություններ։
Գլխավոր քարտուղար է նշանակվել Արգենտինայի Ազգային օդերևութաբանական ծառայության տնօրեն, տիկին Սիելեստե Սաուլոն, իսկ ՀՕԿ նախագահ է ընտրվել Արաբական Միացյալ Էմիրությունների Օդերևութաբանության ազգային կենտրոնի գլխավոր տնօրեն, ՀՕԿ-ում Արաբական Միացյալ Էմիրությունների մշտական ներկայացուցիչ, դոկտոր Աբդուլա Ալ Մանդուսը:
Պրոֆեսոր Սաուլոն ներկայումս հանդիսանում է ՀՕԿ-ի առաջին փոխնախագահը: Նա նոր պաշտոնը կստանձնի 2024 թվականի հունվարի 1-ից և կփոխարինի պրոֆեսոր Պետերի Թաալասին, ով ավարտեց իր երկամյա մանդատը:
Համաշխարհային օդերևութաբանական կոնգրեսը 193 անդամներից բաղկացած ՀՕԿ-ի որոշումներ կայացնող բարձրագույն մարմինն է, որի պատվիրակների ձայների երկու երրորդը ստանալուց հետո պրոֆեսոր Սաուլոն նշանակվել է ՀՕԿ-ի Գլխավոր քարտուղար։
Դոկտոր Ալ Մանդուսը նախագահությունը ստանձնել է Համաշխարհային օդերևութաբանական կոնգրեսից անմիջապես հետո: Արաբական Միացյալ Էմիրություններն այս տարվա դեկտեմբերին հյուրընկալելու է ՄԱԿ-ի Կլիմայի փոփոխության COP28 համաժողովը:
Պարոն Դաուդա Կոնատեն (Կոտ դ’Իվուար) ընտրվել է Համաշխարհային օդերևութաբանական կազմակերպության առաջին փոխնախագահ, պարոն Էոին Մորանը (Իռլանդիա)՝ կազմակերպության երկրորդ փոխնախագահ, դոկտոր Մրությունջայ Մոհապատրան (Հնդկաստան)՝ կազմակերպության երրորդ փոխնախագահ։
Գործադիր խորհրդի անդամներ են ընտրվել ՀՕԿ անդամների հետևյալ ազգային հիդրոօդերևութաբանական ծառայությունների տնօրենները՝