17/04/2023
Ապրիլի 14-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի Օրհուս կենտրոնում կայացավ հանդիպում «Գորիսի Երիտասարդական կենտրոն» և «Մաքուր Գորիս» ՀԿ-ների ներկայացուցիչների, Լեհաստանից ժամանած պատվիրակության, Շրջակա միջավայրի նախարարության և ՊՈԱԿ-ի մասնագետների մասնակցությամբ։
«Գորիսի Երիտասարդական կենտրոն» և «Մաքուր Գորիս» ՀԿ-ների կողմից լեհական «Wiekszemniejsze» և «Zielonypunkt» հիմնադրամների հետ համատեղ 2022 թվականից սկսած իրականացվում է «Թափոնների արդյունավետ կառավարում-Գորիսի մարտահրավերները շրջակա միջավայրի անվտանգության ուղղությամբ» լեհ-հայկական համատեղ ծրագիրը, որի շրջանակներում նախատեսվում է թափոնների կառավարման ոլորտում լեհական փորձի ներդրումը Հայաստանում՝ Գորիս խոշորացված համայնքի օրինակով։
 |
 |
 |
 |
Հանդիպման ընթացքում քննարկվեց ՊՈԱԿ-ի փորձը թափոնների ուսումնասիրման ոլորտում, ինչպես նաև կարևորվեց Օրհուս կենտրոնների դերը շրջակա միջավայրի պահպանության խնդիրների մասին իրազեկման և վերհանման, ՀԿ-ների և ոլորտում գործող այլ կազմակերպությունների հետ համագործակցության միջոցով լուծումների ուղիների քննարկման և դրանք՝ որոշումներ կայացնող մարմիններին հասու դարձնելու գործում։
Քննարկվեցին հետագա համագործակցության հնարավորությունները՝ առաջիկայում համատեղ ծրագրեր կազմելու և իրականացնելու ակնկալիքով, ի շահ շրջակա միջավայրի պահպանության։
