15/04/2025
2025 թվականի ապրիլի 11-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը և տնօրենի տեղակալ Ատոմ Գրիգորյանը հանդիպել են ՄԱԿ-ի պարենի և գյուղատնտեսության կազմակերպության (ՊԳԿ) ներկայացուցիչների՝ Հայաստանում ՊԳԿ ծրագրի համակարգող տիկին Բոտագոզ Նարտաևայի, «Հայաստանում անտառների դիմակայության բարձրացում՝ մեղմացման միջոցառումների շնորհիվ հարմարեցման և գյուղական վայրերում կանաչ տարածությունների ընդլայնման միջոցով» ծրագրի գլխավոր տեխնիկական տնօրեն, անտառային գծով համակարգող պարոն Նորբերտ Վինկլերի, ծրագրի անտառային գծով համակարգողի օգնական պարոն Ակսել Էրիկ Սթրոմբերգի և ծրագրի տեխնիկական օգնական Մերի Սահակյանի հետ։
Հանդիպման ընթացքում քննարկվել են «Հայաստանում անտառների դիմակայության բարձրացում՝ մեղմման միջոցառումների շնորհիվ հարմարեցման և գյուղական վայրերում կանաչ տարածությունների ընդլայնման միջոցով» ծրագրի շրջանակում ՊԳԿ-ի և «Հայհիդրոմետ» ՊՈԱԿ-ի միջև 2023 թվականի սեպտեմբերի 28-ին կնքված համաձայնագրով՝ «Փորձահրապարակներում դաշտային դիտարկումների իրականացում և տվյալների հավաքագրում» ծրագրի ընթացքը և կատարված աշխատանքները։
Լևոն Ազիզյանը ողջունելով հյուրերին նշել է, որ արդեն սկսվել են անտառների գույքագրման աշխատանքները Սևանի ուղղությամբ, և եղանակային պայմանների բարելավմանը զուգընթաց իրականացվող աշխատանքները ավելի ինտենսիվ բնույթ կկրեն։
Հանդիպման ավարտին կողմերը վստահություն են հայտնել ծրագրի հաջող իրականացման և արժեքավոր արդյունքների ապահովման հարցում։
