ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի անտառների և կենսաբազմազանության մոնիթորինգի ծառայության կենսաբազմազանության մոնիթորինգի խմբի ղեկավար Աստղիկ Ծատուրյանը մասնակցել է «Քաղաքային կայուն անտառտնտեսության և ծառաբանության (Arboriculture)

10/04/2025

2025 թվականի մարտի 10-28-ը ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի անտառների և կենսաբազմազանության մոնիթորինգի ծառայության կենսաբազմազանության մոնիթորինգի խմբի ղեկավար Աստղիկ Ծատուրյանը մասնակցել է «Քաղաքային կայուն անտառտնտեսության և ծառաբանության (Arboriculture) կառավարում» միջազգային վերապատրաստման դասընթացին, որը կազմակերպվել էր Թաիլանդի «Բնական ռեսուրսների և բնապահպանության» նախարարության Թագավորական անտառների ծառայության կողմից, Թաիլանդի միջազգային համագործակցության գործակալության (TICA) աջակցությամբ։

Դասընթացը անց է կացվել Բանգկոկում և Թաիլանդի այլ քաղաքներում, ներգրավելով է 12 երկրների ներկայացուցիչների տարբեր ոլորտներից։ Քննարկվել են հետևյալ թեմաները.

• քաղաքային անտառտնտեսություն,
• կառավարման պլանի բաղադրիչներ, 
• տվյալների հավաքագրման հարթակներ և մոնիթորինգ (U-Tree, i-Tree Eco, Survey123 հավելվածներ),
• քաղաքային անտառներում կենսաբազմազանության 
• պահպանություն, 
• ծառաբանություն (Arboriculture),
• ծառերի պահպանության մեթոդներ,
• ընտրման նրբություններ, 
• ընդհանուր առողջություն և ընկնելու ռիսկերի գնահատում (Arborsonic3D սարքավորում), խնամք և այլն։

Գործուղումը ներառում էր այցեր դեպի՝ 

• «Միջատների պահպանման և բազմացման կենտրոն», 
• թռչնադիտարկման կայաններ,
• հերբարիումներ,
• Ռամսար ջրաճահճային տարածք, 
• բուսաբանական այգիներ, 
• ջերմոցներ, 
• տնկարաններ,
• քաղաքային անտառներ, 
• կենսաինժեներիայի մեթոդներով ստացված լճակներ,
• անտառվերականգնման տարածքներ, 
• նախկինում աղբավայր եղած կանաչ տարածքներ և այլ վայրեր։