29/01/2025
ՌԴ գյուղատնտեսության նախարարությունը Ռուսհիդրոմետի հետ համատեղ ստորագրել է համաձայնագիր օդերևութաբանական նոր կայանների և մոնիթորինգային համակարգի զարգացման վերաբերյալ։ Որպես պիլոտային տարածքներ ընտրվել են ՌԴ երեք՝ Նիժնի Նովգորոդի, Նովոսիբիրսկի և Սամարայի մարզերը։
Այն օդերևութաբանական կայանները, որոնք պաշտոնապես ընդգրկած չեն Ռուսհիդրոմետի մոնիթորինգային ցանցի մեջ, այսուհետ հասանելի կլինեն ինչպես Ռուսհիդրոմետին, այնպես էլ գյուղատնտեսական տարբեր գերատեսչություններին: Վերջիններս, օգտագործելով նման տվյալները, կկարողանան օպերատիվ և ճշգրիտ տեղեկանքներ տրամադրել գյուղատնտեսական արտադրողներին՝ պարարտանյութի կիրառման, տարբեր մշակաբույսերի մշակման ժամկետների վերաբերյալ։
Օդերևութաբանական կայանների պակասի խնդիրը շատ արդիական է և գրեթե միշտ բարձրաձայնվում է տարածքային գյուղատնտեսական արտադրողների և գյուղատնտեսական ապահովագրողների կողմից։
Ռուսաստանում պետական աջակցությամբ գործում է բերքի ապահովագրման տարբեր ծրագրեր։ Մշակաբույսերի բազմաբնույթ ռիսկերի ապահովագրության դեպքում վճարումը կազմակերպելու համար պահանջվում է Ռուսհիդրոմետից որոշակի ձևի տեղեկանք: Եթե տնտեսությունը տեղակայված է օդերևութաբանական կայանից հեռու, ապա բերքի վնասի պատճառների վերաբերյալ տեղեկանքի ձեռք բերումը մեծ դժվարությունների առջև է կանգնեցնում ֆերմերներին։
Ֆերմերների կողմից օդերևութաբանական տվյալների ժամանակին ստացումը ոչ միայն օգնում է նրանց պլանավորել և վարել իրենց բիզնեսը, այլև նպաստում է ապահովագրական վճարների արագ տրամադրմանը:
